Грамадская прыёмная:
Праваабаронцы “Вясны” аказваюць прававую і іншую дапамогу народу Беларусі, які пацярпеў у канфліктах паміж грамадзянінам і дзяржавай, у выніку якіх былі парушаныя правы чалавека. Спецыфіка “Вясны” – абарона грамадзянскіх і палітычных правоў, якія згодна з Канстытуцыяй краіны гарантуюцца дзяржавай.
Інфармацыйны кірунак:
Каманда «Вясны» штодня абнаўляе змест сайта spring96.org , а справаздачы «Вясна» служаць крыніцай для іншых беларускіх і замежных СМІ. Таксама арганізацыя прадстаўленая ў сацыяльных сетках, здымаючы відэаролікі, дакументальныя фільмы і мультфільмы. “Вясна” у супрацоўніцтве з медыя-парталам “Тузін хітоў” рэалізавала буйны музычны анлайн-праект “Апошняя зорка” па адмене смяротнага пакарання ў Беларусі.
Выдавецкі кірунак:
“Вясна” рыхтуе і выдае кнігі, брашуры, буклеты па розных тэмах, звязаных з правамі чалавека, а таксама прысвечаныя канкрэтным буйным кампаніям. Арыгінальная серыя твораў мастацтва “Дэкларацыя правоў чалавека ва ўрыўку” надрукаваная ў выглядзе набору паштовак. Апублікаваны “Вясной” Каляндар правоў чалавека расказвае пра найважнейшыя даты, звязаныя з фармаваннем, развіццём і абаронай правоў чалавека.
Аналітычны кірунак:
ПЦ “Вясна” сочыць за выкананнем правоў чалавека ў Беларусі і штомесяц і штогод публікуе рэгулярныя агляды стану правоў чалавека. Юрысты “Вясны” таксама аналізуюць дзейнае заканадаўства, паколькі не ўсе ўведзеныя нормы адпавядаюць асноўным прынцыпам правоў чалавека, а часам і носяць дыскрымінацыйны характар. Напрыклад, артыкул 193.1 Крымінальнага кодэкса Беларусі – гэта дзейнасць ад імя незарэгістраванай арганізацыі.
Праваабарончы кірунак:
Праваабаронцы “Вясны” актыўна ўдзельнічаюць у місіях міжнародных арганізацыяў, рыхтуюць альтэрнатыўныя справаздачы ў Камітэты ААН па правах чалавека, Універсальны перыядычны агляд (УПА) і лабіююць іх.
Адукацыйны кірунак:
Сотні маладых беларусаў ужо наведалі летнія школы правоў чалавека ў Вільні. У рамках праграмы ўдзельнікі даведаюцца пра гісторыю і філасофію правоў чалавека, а таксама пра метады і сродкі іх абароны на нацыянальным і міжнародным узроўнях. Эксперты “Вясны” таксама бяруць удзел у іншых семінарах па пытаннях правоў чалавека.
